زي ما وعدت رجعت لكم بطريقة سهلة و مفيدة لتنظيف الكبد . الكبد زي ما قلت في البوست السابق من أهم اعضاء الجسم و هو مسؤول عن كثير من المشاكل اللي تؤثر على المظهر الخارجي زي الحبوب ، التصبغات ، الهالات السوداء ، وحتى ريحة الجسم ! كل هذه المشاكل ممكن تنحل بدون كريمات و بمجرد الاهتمام بصحة الكبد وتخليصه من السموم .
الطريقة هي شرب كاس من الماء الدافئ معصور فيه ليمون كل صباح وعلى الريق .
في البداية حاولي يكون الليمون مجرد قطرات عشان ما تتعب معدتك أو يصيبك حرقان . و ممكن في البداية كمان تضيفي ملعقه صغيره عسل . بعدين حاولي تزيد كمية عصير الليمون لكن ما تزيد في كل الأحوال عن شريحة ليمونه كبيرة أو ربع ليمون بن زهير . الماء يكون دافي أقرب إلى الساخن . ولا تاكلي شي بعده الا بعد 20 دقيقة . واحرصي على تفريش الاسنان بعدها عشان ما تتأثر بحموضة الليمون .
هذه الطريقة مو مفيدة بس لتنظيف الكبد من السموم لكنها مفيدة جدا كمان لأشياء ثانية :
- تقوية جهاز المناعة .
- تحسين عملية الهضم .
- تساعد على تقليل الوزن .
- الليمون مدر للبول ، فيساعد على التخلص من السموم
- تساعد على توازن قلوية الجسم Alkalinity . وهذا يعني بإختصار ان الجسم يقدر يشفى من أي مرض لو كان في حالة قلوية و ليس حمضية . لكن أغلب الأكل اللي بناكله بيخلي الجسم حمضي . لكن في بعض الأشياء تساعد الجسم يرجع للحالة القلوية زي الليمون مع الماء ( حأكتب موضوع عن الـ PH balance للجسم لأنه موضوع مهم ومو مرة معروف عندنا ) الليمون مع انه حامض إلا انه داخل الجسم يصير قلوي أو قاعدي .
- يساعد على صفاء البشرة : طبعا بما إنه يطرد السموم أكيد حيساعد البشرة على التخلص من الشوائب . ميزة أخرى لليمون لاحتوائه على فيتامين سي انه يقلل من التجاعيد .
- الليمون غني بالبوتاسيوم . والبوتاسيوم معدن مهم جدا في تسهيل الانتقالات العصبية في الدماغ والجهاز العصبي . الاكتئاب ، القلق والتوتر و النسيان كلها أعراض على نقص البوتاسيوم في الدم !
تجربتي : صار لي اشرب الماء الدافئ والليمون كل صباح حوالي الشهر . هو مدر للبول فعلا لكن مو بشكل مزعج . ما لاحظت انه يخفف الوزن . لكن أكبر تأثير لاحظته هو على بشرتي . تحسنت كثير والحمدلله . الحبوب خفت كثير و الآثار كمان خفت . التصبغات لسه ما تأثرت كثير لكن بشرتي بشكل عام صار لها glow جميل . بصراحة مرة ارتحت عالطريقة و ما اعرف ليه ما جربتها من زمان .. انشا الله راح استمر عليها واخليها جزء اساسي من روتيني الصباحي .
أتمنى يكون بوست اليوم عجبكم وتجدوا فيه الفايدة ♥ . يا ريت تجربوا الطريقة و اذا عندكم اي سؤال اتركوا تعليق هنا أو سؤال في الأسك أو تويتر .
السلام عليكم ، انا نظامي بالنوم مو معتدل فممكن اصحى متأخر او اصحى بدري وم يكون عندي وقت كاف... ممكن نعمل هالطريقه بوقت آخر غير الصباح... وممكن ايضا تكون بعد الاكل وليس قبله.. واذا كان يصير بعد الاكل هل لها نفس الفوائد اذا م شربنا قبل الاكل? ارجو الرد لاني احاول ارتب واعدل من نظامي اليومي ونظام اكلي
ردحذفوعليكم السلام . مو ضروري تكون في الصباح ممكن في اي وقت تصحي فيه من النوم . لكن مهم تكون قبل الاكل و تكون اول شي تشربيه قبل القهوة والشاي وغيره .
حذفموضوع جميل و نافع
ردحذفيعطيج العافية
اعجبني الموضوع واعجبتني تجربتك ..
ردحذفانا جربته وبالنسبة للوزن لاحظت انه يزيد من فعالية اي نظام غذائي صحي , او يساعدك على تثبيت وزنك .. يعني مثل الشاي الاخضر مابينفع لوحده
اما البشرة فعلا ... رووووووعة .. بالبداية زادت الحبوب بوجهي .. لكني استمريت .. وبعدها بدات تخف وبشرتي تصير اصفى واحلى
حابه اسئل ، اذا اضفت معه سكر راح يعطينا نفس النتائج من دون سكر ولا لا !؟
ردحذف+اعتمد ع عصير الليمون لحاله في تفتيح البشرة !؟
+ عادي لو اكلت بعده اي وجبه دسمه او شبس يعني بشكل عام اكل مو صحي ، راح يأثر ع النتيجه ولا لا !؟
أهلا حنان ..
حذفما اتوقع راح يعطي نفس النتائج مع السكر لأن السكر مضر وسبب لأغلب مشاكل البشرة وابدا ما انصح بإضافة السكر معاه :(
بالنسبة لو اكلتي بعده وجبات مو صحية ، راح يعطي نتيجة لكن بسيطة . أنا شفت افضل نتيجة في بشرتي لما كان اكلي صحي اكثر .
سؤال : ينفع لو اشربه مره مرتين في الشهر ؟ لانو ينحف و انا مابي انحف بس ودي بفوائده الثانيه .
ردحذفما لاحظت انه ينحف . ومرة او مرتين في الشهر قليل جدا ومااعتقد يفيد .
حذف؟!
ردحذف